.
حسان وش ذنب الخفوق وشقيقه
تسرح بجوف صويحبك الف ضيقه
يستاهل اللي ما يطاوع رفيقه
ياقلب لا تحزن ولا تجيب الأعذار
جلست أولف عود الأحزان وأعزف
على وتر حبه بدا الجرح ينزف
لا والله الأ الدمع مابيه يذرف
ياقلب لا تحزن ولا تجيب الأعذار
بعد المفارق شوف وينه ويني
قلت أذكريني مير لا تذكريني
صار الفراق وغربتي تحتريني
ياقلب لا تحزن ولا تجيب الأعذار
من لهفتي ماعاد لي نفس تقوى
يبقى أمل لقياه للروح رجوى
أنا تعبت الحب والحب بلوى
ياقلب لا تحزن ولا تجيب الأعذار
حسان وأنت الخال لي والبناخي
أشكي عليك الهم ..والهم ياخي
وقت الشدايد ما يفيد. التراخي
ياقلب لا تحزن ولا تجيب الأعذار
عيا زمانه لا يوافق زماني
لا ما رميته لا ولاهو رماني
وين الربوع مشيدين المباني
ياقلب لا تحزن ولا تجيب الأعذار
أشكي شكاتي وأطوي الهم طيات
حاولت أقلب صفحة الذات بالذات
يا لهفة الشاعر على نظم الأبيات
ياقلب لا تحزن ولا تجيب الأعذار
أعد وأقرأ في عجاريف كفي
زهرة ربيعه لونها ما يجفي
والنفس لا ماتتبع اللي مقفي
ياقلب لا تحزن ولا تجيب الأعذار
الثلاثاء فبراير 01, 2011 10:45 am