وكيف حالك ياللي حالـك ليـل حالـك واستحـال
وانت حالك مثل حالـي مـن محـال ال مستحيـل
لا ذلــولٍ للحـمـول ولا حـلـول ٍ للـوصـال
لا وداع ٍ للطلـول ولا هطـول الـحـرف لـيـل
حـال حـول وحـل حـول وحالنـا حلـه محـال
ياحلـو حيـل احتيالـي حالتـي بالحيـل مـيـل
بـس اخايـل واتخايـل خيـل خاواهـا خـيـال
ياخليلـي عـل خيلـك مثـل خيلـي تستخـيـل
وياعيـون ٍ حملتنـي حـمـل بالحـمـال مــال
ويش اشيل وويش احط وويش احط وويش اشيـل
الصبر شق الصـدر والنحـر مـن حولـه حبـال
في عيوني الف مـوت ولا حصـل منـه حصيـل
وبالحنايـا ضيـف ٍ اقشـر ماحـد ٍ قلـه تـعـال
امـا تعشـانـي بـكـا والا تعشـانـي عـويـل
وصاحب الرقـم المميـز ماحصـل منـه اتصـال
وعاجز افتـح هالرسالـه فـي بريـد الهوتميـل
وياقصيـدي وش رصيـدي مـن ترانيـم الليـال
ياقصيدي من رصيـدي هـات واسردلـي جزيـل
وياقصيدي هـات واسكـب مـن مباهيـر الـدلال
كلمتيـن وصبهـا بعـروقـي وخلـهـا تسـيـل
ياقصيـدي تذكـر اللـي لبسـك ثـوب الجمـال
والله انـي مانسيتـه شايـلـه بالعـيـن شـيـل
ذاك مـن بـد الجميـع اشـوف فيـه الاكتـمـال
ولا يعيبـه غيـر بحـة صوتـه الناعـم قلـيـل
والا غيـره فالله اكبـر آيـة ٍ لاهــل الشـمـال
لا هنـوف ٍ فـي حـلاه ولا بعـد يوسـف مثيـل
الشعـر ليـل ٍ ظـلام ٍ ظـالـم الـحـد الـعـدال
لا نتثـر فالله وكيـل اللـي ولا عـنـده وكـيـل
والعيون ان سلهمت تنهـي الجـدال ابـلا جـدال
بالكحل سحر البيـان وبالهـدب سيـف ٍ صقيـل
والشفـا جمـر ودفـى والخـد بـراق ٍ يـخـال
وبالنحر حب العرق لولـو علـى المرمـر دخيـل
وبالـصـدر رمانتـيـن ٍ طايفـيـات ٍ اثـقــال
فتنـة اعيـون المطـوع ذبحـة القلـب العليـل
خيزرانه خصرهـا ليـن انهصـر والعـود مـال
المثـلـث والمـربـع والمـعـيـن تستـطـيـل
والردايـف مـن نكدهـا لامشـت فـي اقتـتـال
وكـل ردف ٍ حالـف الا يسبـق الثانـي ويميـل
لا مشت شفـت الغـزال اللـي يسمونـه غـزال
واثـق الخطـوه رفيـع الـراس معتـز ٍ ثقـيـل
مـن نظرهـا بالطريـق وهـو معـه ام العـيـال
ناظـر ابوجـه المـدام وقـرر انــه يستقـيـل
ضيعـوا عشاقهـا عشـاق الاهـلـي والـهـلال
وضيعـت بحضورهـا طفـل ٍ نهـد امـه يسيـل
جاها يزحف قبل ينحف جاهـا يحبـو فـي خبـال
يبغى يرضع من نهدهـا وعـن نهدهـا آه حيـل
فـرأى بـأن المستحيـل باربـع ٍ يابـن الحـلال
الغـول والعنقـاء والخـل الوفـي والسلسبـيـل
والله انهـا وصلتنـي للجنـون امـن الجـمـال
ووالله انهـا وردتنـي بالمحبـه ويــل ويــل
وياقصيدي كم رصيـدي فـي شريحـة الاتصـال
ودي اسمع صوتها بـي شبـت اطـراف الفتيـل
ويـا جهـاز النوكيـا حـول هنـا قـرب تعـال
والله انـك يالجهـاز النوكـيـا اوفــى خلـيـل
وصفر خمسه صفر خمسه صفر خمسه امن الشمال
والبقيـه فـي فـوادي مـاهـي والله بالدلـيـل
ووهـذا هـو والله يـرن وياهـلا والله ابــدلال
يـادلال الشـوق نـار وخابـره عظمـي هزيـل
وكيف حالك ياللي حالـك ليـل حالـك واستحـال
وانت حالك مثل حالي مـن محيـل ٍ فـي محيـل
حـال حـول وحـل حـول وحالنـا حلـه محـال
ياحلـو حيـل احتيالـي حالتـي بالحيـل مـيـل
بـس اخايـل واتخايـل خيـل خـاواهـا خـيـا
وياخليلـي عـل خيلـك مثـل خيلـي تستخـيـل
وياعيـون ٍ حملتنـي حـمـل بالحـمـال مــال
ويش اشيل وويش احط وويش احط وويش اشيـل
وسلامتكم
اخوكم
حسين ابن عمران
سهير الطرف
الخميس ديسمبر 09, 2010 1:37 pm
