احس ان مكان الموضوع خطأ .. احس ان قسم الاخبار المثيره احلى . أحس اني مدري ومحتار
<< فكنا من الحسحسه وادخل بالموضوع .. موضوعي من العيار الثقيل .....
تخيل يوم تمدد رجولك وتحس عظامك " تطقطق " وكود انك قبلها كبست حاشي . وتحس
ان المعده " تدغدغك " وتجلس كيذا بركن البيت وتمسك " ألريموت " وتحط قناه نكيالودين
وتتفرج على سبونج بوب وبسيط وسريعع ومستر سلطع البخيل لعنبوا شكله احبه هالادمي
احسسه يمثل دوري ( وراك حست عن الموضوع ) المهم فجأه .. يجيك صوت ما تدري من وين
جاي .. " قم ودنا للسوق " مجرد ماتسمع سوق تجيك " الغرغرينا " وتحس انك كيذا تبي تروح فوق الخزان .. وتنط من فوق العماره .. وودك انك ماتموت .. عشان ترجع تنط مره ثانيه كود يرتاح ضميرك هههههههههههههه .. والله اني ما اعرفت اكفل اجانب
الا بعد ما كبرت اختي وعرفت كل هندي يسكن بالمدينه .. أسواق سلطانه كلها لفيتها ..
الاسواق الي على الدائري الثاني كلها لفيتها .. والي في قباء ..
المصيبه مره كنت مصدع وتعبان . قالت ودني السوق الي في قباء .. عاد قباء زحممممممممه
ولا زحمه الرياض صدقوني ... لانها بمناطق الحرم وكلها زوار و و و و وو و .. المهم مالكم بالطويله
يوم وصلت عن باب السوق .. الا يدق جوال اختي .. وانا عيوني " متشقلبه " مأ اشوف شئ
كويس الي وصلت للسوق بدون حوادث ولا اصابات .. الا وتنتهي المكالمه . وقالت لي :: فآرس
قلت ها ! قالت خويتي تقول ان الفستان ماهوب بقباء .. تقول انه بسلطانه .. قلت يا عسى
خويتك تاكل سلطه منتهيه !
هالحين ساحبتني من بيتنا الى هنا وبكل بساطه تقولين هالكلام ! ( عارفه ان وراها رجلها
لو اقولها لا .. ماسك على سوالف كثيره ولا قالها لابوي .. )
لا ومره كنا بالسوق .. ودخلت محل عدسات وكان متروس بنات .. وانا طلعت برى على اساس
ما اسوي لي مصيبه جوا ! .. تأخروا شوي ودخلت ورحت لبنات نفس هيئه خواتي
وقلت يالله .. سنه عشان تشترون .. واسمع وحده تقول لخويتها خليه خليه شكله غلطان !!
والله يا وجهي اخذ كل الالوان ..
لا مره اشتريت سروال ويوم وصلت البيت حصلت ان المحاسب ماشال القطعه السوداء ..
الى تعطي انذار لما تطلع من السوق .. ونسيت السالفه .. المهم ورحت اودي خواتي
للسوق .. اول مادخلت السوق والانذارات واللمبات الحمراء .. والناس كلهم " قزقزه فيني "
حسيت اني مطلوب امنيا في هذيك اللحظه ( تراي ما اقدر افقع نفاخه ماء ماهوب بافجر ! )
ووقتها حسيت الاف بي اي ( الى هم حراس الامن ) تفتيش ومدري وشو .. قلت تراي ماسرقت
شئ .. تراي ماسويت شئ في حياتي كلها غلط .. الا يوم سرقت لبنانه بنص .. ههههههههههههه
وقلت لهم بسالفه السروال .. ( الله يا السوق الي اشتريت منه السروال انذارهم خربان شكلي
بروح اشتري سرويل وابنحاش ههههههههههههههههههههههه . ومواقف كثيره حصلت لي بالاسواق
وكلها من اختي .. كل ما صفى لي الجو .. قالت " قم ودنا السوق " !
واسمعي يا بنيه .. واسمعي ياجاره .. تبين اخوك يحبتس لاتقولين له " ودنا للسوق "
كود كل شهر مره مافيه خلاف .. اما كل يوم بين كل محاضره تحكون انتي
والبنات عن فستان جديد نزل بالاسواق .. ويوم تاصلين للبيت .. قلتي لاخوتس " قم ودني للسوق "
" كونوا بخير .. ولروحكم عبق من ازهار النسيم .. داري اني ضيعت ههههههههه "
الإثنين أكتوبر 11, 2010 10:53 am
