الرئيسيةاليوميةالتسجيلدخول

شاطر | 
 

 روووايه ريم الغلاا

اذهب الى الأسفل 
كاتب الموضوعرسالة
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: روووايه ريم الغلاا   الأحد نوفمبر 21, 2010 2:24 pm


روايه رومنسيه خياليه وفيها شي من الواقع



نتمنى انها تنا اعجابكم ورضاكم


الشخصيات:
عائلة ابو خالد:
عبد العزيز : الاخ الكبير طيب وحنون بس فيه عصبيه شوي ويشتغل في شركتهم
اميره:الام حنونه وطيبه وتمووت في اولادها
الابناء:
خالد :ولد حلو وجميل ووسيم وطويل واحلى مافيه عيونه وبشرته حنطيه ويحب الوناسه ويحب ولد عمه مشاري صديقه الصدوق وعمره
23 سنه ويدرس سنه ثانيه جامعه

فيصل:حلو وبشرته حنطيه واحلى مافيه غمازاته وفله بمعنى الكلمه ويحب الاكشن والمقالب وعمره 18 ويدرس ثنويه عامه اخر سنه له ويكره شي اسمه دراسه

عبد الرحمن:حلو وجميل وبشرته حنطيه واللي محليه جسمه الرياضي لكن فيه هبال مو طبيعي نفس اخوه فيصل وعمره 17بس راسب سنه ويدرس صف اول ثنوي

العنود:حلوه وجميله بس اللي مخربها عربجتها بس مع ذلك حلوه ومرحه وتحب بنت عمها ريم وعمرها 16 في صف اول ثنوي

نوف:حلوه وجميله ونعومه عكس اختها تماما بس احيانا تصير مثلها وعمرها 15 تدرس ثالث متوسط
................

عائلة ابو مشاري:
عبدالله:الاخ الثاني صيوب ويحب اولاده حيل
فاطمه:الام طيوبه وعلى نياتها وتحسب كل الناس مثلها
الابناء:
مشاري:ولد حبوب ويحب خواته وجميل وكمان وسيم وعمره22 سنه الصديق الصدوق الى خالد

فجر: بنت جميله بس عيبها انطوائيه شوي وعمرها 20سنه وتدرس سنه اولى جامعه

ريم:بنت جميله بمعنى الكلمه ودلوعه شوي بس اللي مغطي على دلعها عربجيتها مع بنت عمها العنود ويدرسو ثنتينهم في نفص الفصل وعمرها 16

...................
عائلة ابو نواف:
سعود:الاخ الثالث عصبي شوي دايم منشغل بعمله ويحب اولاده
موضي:تحب اولادها لكن عيبها مغروره شوي لكن طيبتها مغطيه على غرورها
الابناء:
نواف:الولد الكبير عصبي شوي وتفكيره غامض ووسيم وعمره 25سنه ويشتغل مع ابوه في شركته العائله

وليد:مستهتر بالدراسه وكل همه الفله والوناسه فيه هبال مو طبيعي وعمره19سنه

الجوري:بنت حلوه وطيوبه زي بنات عمها عربجيه واكبر منهم بسنه وعمرها18

رنا:بنت دلوعه وطيوبه وتحب بنات عمها حيل وجميله وعمرها 16سنه

..................
عائلة ابو نايف:
محسن:اخوهم الرابع مدلل اولاده بشكل مو طبيعي يحب الخير لناس دائما
مريم:مره طيبه وخلوقه ومتواضعه دائما
الابناء:
نايف:الولد الكبير طيوب ويحب الشغل جميل ويشتغل كمان في شركة العائله وعمره 24سنه

وعد وعهد:توأم متشابهين مره ومايتفرق بينهم لبسهم دائما نفس بعض جميلين بس اللي يفرق بينهم شي واحد وهو وحده فيها غمازتين والثانيه فيها غمازه وحده
بس مو في خدها في ذقنها (اللحيه) وعمرهم 17سنه

شهد:بنوته حلوه وتاخذ من عربجية بنات عمها بس فيها نعومه وعمرها 18سنه
................
عائلة الجد (ابو عبد العزيز)

الجد(عبدالكريم):عصبي شوي وملتزم ومايحب خرابيط احفاده على قولته لكن يجيه اوقات يفلها ويخربط زيهم يعني مزاجه متقلب

الجده(ساره):طيبه وتحب احفادها

محمد:اخوهم الخامس عايش مع ابوه لكن هذا مو متزوج ووسيم وطيوب ويحب اولاد اخوانه مره وعمره 25سنه ويشتغل في الشركه كمان

.................
عائلة العمه اماني (ام فارس)
العمه اماني:اختهم الوحيده لكن منعزله عنهم وماتحبهم وهمها نفسها وبس

فارس:جميل وطيوب ويحب الخير للغير عكس عن امه واخته ويحب اهله وعمره 23سنه ويدرس سنه ثانيه في الجامعه

هيا:بنت جميله بس اللي مخرب جمالها حقدها والحسد اللي فيها وعمرها 19سنه

...............
<<اما هذي العائله ماتصير ليهم لكن راح تكون معانا وليها احداثها
الام (وضحى):تحب الخير وتحب ابنائها وكل همها انها تعوضهم عن ابوهم اللي توفى وهم صغار

رائد:الاخو الكبير شايل البيت واكبر هم عنده اخوانه ويخاف يقصر عليهم بشي ويحب اخوانه واجد وعمره 26سنه

ياسر:الاخو الثاني شايل البيت كمان ويساعد اخوه في دفع المصاريف ومايؤمن بشي اسمه حب وجميل ووسيم بمعنى الكلمه وعمره 23سنه

رغد:اختهم جميله وصديقة العائله الكريمه وعمرها 16 سنه

ارجوان:اختهم الصغيره دلوعتهم جميله مره وعمرها 15سنه تدرس ثالث متوسط

...............

وبس انتهينا من الشخصيات

((البارت الاول))

البدايه:

العوائل كلها متجمعه في بيت الجد على نهاية الاجازه قريب تبدي المدارس

ريم:بنات ماودكم تشترون اغراض المدرسه
العنود:افف شهالطاري مالقيتي سالفه تبدي بها الا ذي مالت
شهد:وعع الله يقرفك تكفين خلينا شوي نستانس بعدين فكرو في هالشي
ريم:انزين عاد شوي شوي عليي اكلتوني مايسوى علي
العنود:تستاهلين عشان مره ثانيه ماتخربين فرحتنا بموضوع زي وجهك
شهد:ههههههههه مسكيينه ريووم خلاص يالعنود ووجع
ام نايف:خيير وشفيكم تتهاوشوون
شهد:ابد خاله ماتعرفين حركات البزارين
العنود فاتحه عيونها عالاخر:نعم نعم شقلتي ماسمعت عيدي عشان اتوطأ بطنش
شهد خافت:لا ابد امزح معك طسي بس
ريم:هههههههههههههههههه جاك الموت ياتارك الصلاه

في جهة الحريم...
ام نواف:تصدقون نفسي نطلع نغير جو عن البيوت وقبل لاتبدى المدرسه والقرف بعد
ام مشاري:وانتي الصادقه يبي لنا نتفق مع رجالنا بطلعه حلوه
ام خالد:وشرايك نروح مزرعتنا ونغير جو هناك
الا بجيت ام نايف:شتخططون ؟؟
ام نواف:ابد بس نقول نبي نطلع قبل ماتبتدي المدارس
ام نايف:والله فكرره حلوه ليش لا
ام خالد:خلاص قومو نروح الجلس للرجال ونشاورهم
الكل:يلا قمنا

عند الرجال في المجلس...
ابو نواف:اما العقار في هالايام نازل مرره
ابو مشاري:اي والله امس طاحت الاسهم مرره وحده
الا بدخلت الحريم عليهم...
الحريم:السلام عليكم
الكل:وعليكم السلام
ابو نواف يتكلم بصوت واطي:انا اقص يدي اذا جيتهم كذا بس
سمعه اخوه ابو نايف:وانت الصادق مايجون الا يبون شي
الجد:غريبه جااييين عندناا امروو شتبوون
ام خالد:ابد ياعمي بس نقول نبي نطلع نغير جو وقلنا نروح المزرعه حقتنا بدل البيوت قبل ماتبتدي المدارس
ام نواف:وهي الصاجه والله ملينا كفايه ماسافرنا هالاجازه
ابو مشاري:وانا اقول جيتكم لازم فيها شي ماتجون فاضيين
ام خالد:ههههههههه شنسوي والله ملينا
الجد:خلاص تم بس اتفقو على يوم ونروح من الصبح وننام هناك بعد
ام نايف:اشوه خلاص شراايكم؟؟
ابو خالد:خلاص شرايكم يوم الاربعاء الجاي؟؟
ابو نايف:والله خووش يووم عشان ننام بعد يومين خميس وجمعه
ابو مشاري:اي وانت الصادق عشان الاسبوع الثاني نجهز لبدايه سنه جديده دراسيه
الجد:خلاص خبروو الكل

نروح من صوب ثاني للشباب...
وليد:افف ملل
فيصل:وانت الصاج مافيه اكشن
عبد الرحمن بتفكير:شرايكم نسوي مقلب للبنات
وليد وفيصل بصوت واحد:شنوو؟؟
عبد الرحمن:نتصل للبنات ونقول لهم تعالو يبيكم جدي عند المسبح....الخ
وليد وفيصل:خلاص تم
فيصل:لحظه بس يبي لينا كاميرا نصورهم فيها
وليد:ههههههه وانت الصاج ونقول للشباب بعدد
عبد الرحمن:ههههههه جد يلا
وراحو للشباب الباقي
عند الشباب....
خالد:يلا شلة المهابيل جوو
نواف:منوو؟؟
خالد من غييرهم الثلاثي المرح
نايف:انا نفسي اعرف بس هذول متى بيعقلون؟؟
خالد:خخ اسكت قربوو
عبد الرحمن:حيوو شبااب
الشباب:حيوو
خالد:خيير شعندكم غريبه جاايين
وليد:صدق انكم موب وجه نعمه
نواف:ليش شجايبين عشان نافخ عمرك
عبدالرحمن:تعالو بنوريكم شي عند المسبح
الشباب:شنوو؟؟
وليد:بتجوون ولا بنروح عنكم؟؟
مشاري:الا وين فيصل مااشوفه معكم
عبدالرحمن:عنده شغل بيسويه وبيجي
خالد:الله والشغل عااد
وليد:بتجون اللحين ولا شلوون
الشباب:يلا بنجي ونشوف شنو اخرتها معكم

نروح بعيد عن الشباب لفيصل...
فيصل:الوو
العنود:خييير
فيصل:خيتوو ياقلبي اخبارك؟؟
العنود:ههه ضحكتني اخلص شتبي؟؟
فيصل:ابدد سلامتك بس جدي يبيكم عند المسبح
العنود:معقوله؟؟
فيصل:ايه
العنود:طيب يلا طس
وسكرت السماعه في وجهه

عند البنات..
العنود:بنااد جدوو يبينا عند المسبح
فجر:انتي شتخربطين؟؟
العنود:وربي مااخربط هذا فيصلوو متصل ويقول جديه
ريم:معقوله وليش مااختار الا عند المسبح؟؟
العنود:وانا شدراني؟؟
عهد:قومو نروح ونشوف بنفسنا
البنات:يلا

..........
انتهى البارت الاول

توقعاتكم:

وش تتوقعون بيسوو الشباب؟؟

ووش بيصير في المزرعه؟؟

وش ردة فقل البنات من اللي بيسووه الشباب؟؟

وشنو بيصير على الاسبوع الجاي وتجهيزاتهم للمدرسه











الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:25 pm



((البارت الثاني))
راحو الشباب الى المسبح وفلتو حوالي المسبح صابون تايد وفركوه
وصار مثل الرغوه سهل الواحد يتزحلق فيه
وليد:شرايك بعد تحط في المسبح صابون
خالد:انتو شبسوون؟؟
نواف:انا ناغزني قلبي احس الموضوع فيه إنّه ماادري ليش
مشاري:وانت الصادق
عبدالرحمن:بلا هالخرافات اللحين بتشوفوون

الا بجيت البنات...
العنود:كأن الشباب هناك عند المسبح
ريم:امم الظاهر لهدرجه الموضوع خطير اللي يبيه فينا جدي
وعد:ماادري خلنا نروح ونشوف شسالفه
البنات:يلا

وصلو البنات عند المسبح الا كل واحد من الشباب يمسك وحده ويفلتها في المسبح
البنات:لااااااااااااااااااااااااا
العنود:آه يمىىى
ريم:هااا بمووت الحقوووني
مشاري:ههههههههه مساكين وانا اقوول شساالفه
عبدالرحمن:وشنسوي قلنا مالينا الا نتعليف في البنات ونسوي جوو
نواف رافع حاجبه:وبحركتك ذي سويت اكشن مفكرر
العنود:تفوو عليكم تفوو بس اللي يقول انكم رجال هذا اكبر جاهل
ريم:حسبي الله عليكم عسااكم ماتربحون
عهد:اهئ اهئ ياابقرر
العنود مسكت عبدالرحمن وفلتته في المسبح والبنات سوو مثلها وفلتوو الشباب كلهم
نواف:يالنذله عهودوو اخترب اللحين جوالي حسبي الله عليش
مشاري:تعالووو ياكلااااب
ومسكوو البنات من شعوريتهم<<مساكين ماتسوى عليهم
وعد:أيييييييي والله مالي شغل انتو اللي بديتو
العنود:يالنذل اتركني نوافوو ووجع
نواف:وجع ياخذك ويفكنا منك
ريم:أأيي والله تووبه اخووي خلاص اتركنيي
مشاري:قولي اول اسفه
ريم:وعع تخسي
عبدالرحمن:خلاص اتركووهم مسااكيين يعوروو بالقلب
نواف:لاااكسروو بخااطرك يامسكين وانت من الصبح قاعد تحط في هالصابون
نايف:عسااكم ماتربحوون راح جواالي
وليد:لايكون فيه في مخابيكم غير جوالاتكم
الشباب:لاااا
فيصل:الحمدلله جات سليمه اجل
نايف:والجوالات وربي فيهم اشياء مهمه عسااكم عمىى
البنات:احد قال لكم تسوون جديه
العنود:بس سويتوو اكسن تصدقوو
فجر:هذي اللي بلعن خيرها شقالت قالت اكشن عمى بعينش تبللنا
ريم:شالفايده اللحين خلونا نروح نتروش
البنات:يلااا
نواف:وانتو يالمهبل شموقفكم يلا امشوو نغير ملابسنا ونتروش
الشباب:يلااا

والجميع راحوو يتروشووون

في المغررب....
ام نايف:بروح انادي على العيال خلنا نقول لهم بالمخطط
ام خالد:ايي صح ماباقي شي على يوم الاربعاء غير اربع ايام
ام نواف:صح يبي لنا نجهزز
ام نايف:يلا انا قايمه اناديهم

عند البنات....
ريم:يااربي قرفاانه من حال
شهد:احمدوو ربكم بس جت على كذا ماحد غرق ولا شي ولاكان صارت الهوايل
وعد:ايي صح
ام نايف:السلام عليكم
البنات:وعليكم السلام
ام نايف:بنات ودي اخبركم بشي
البنات بأصوات متفرقه:وشووو؟؟
ام نايف:جهزوو لكم اغراض ليوم الاربعااء بنرووح المزرعه وبننام فيها
البنات:الللللللللللللللللله وناااااااااسه
ام نايف:ايي وخبروو البااقي اللي مااجو اليووم اتصلوو فيهم
ريم:خالتي عادي لوقلت لصديقتي رغد تيجي مع اهلها؟؟
ام نايف:ايي براحتكم جيبوو اللي تبووون
ريم:طيب مشكووره خالتي
العنود توها طالعه من الحمام:هاا شصااير
ام نايف:يلا انا استأذن
البنات:الله معااك
العنود رافعه حاجب:خيير اظن اني سألت
ريم:شتبيين ماتشوفين نكلم مرت عمي
العنود:حشى ماوحده تقدر تررد
شهد:خلااص بلا هواش انا بقولك
العنود:شررفي وغردي
شهد:بنروح يوم الاربعاء المزرعه وبننام فيها
العنود:والله؟؟وكم يوم ؟؟ ومتى؟؟
شهد:اييه يومين خبله انتي اقولك يوم الاربعاء
ريم:هههههههههه هذا كله من تأثيرات الصاابوون الظاهر
شهد:ههههههههههههههههه الظااهر
العنود:هاهاها باايخه المهم شبتسوون
ريم بأستعباط:بنرقص
شهد:لاجد شنسوي؟؟
العنود:شرايكم تكتبون اللي تبون في ورقه ونروح السوبر ماركت ونشتري الاغراض
الا بدخلت عهد ووعد:السلام
البنات:وعليكم السلام
العنود:يلا انتو كتبوو اللي تبون وخلصونا
ريم:لكن منو بيودينا؟؟
العنود:بلاكثررة حكي تتوقعي مين يعني فارس احلامك مين بيكون غير السايق
ريم:طيب بروح اخبرر الرجال مع الحريم
البنات:وخذي لنا اذن منهم
ريم:استحيي انا وحده تجي معي
عهد:انا بجي معك
ريم:طيب يلاا بس جيبي شيلتي
عهد:طيب

عند الرجاال في المجلس...
ابو خالد:وين هالشباب ماشفناهم اليوم
ابو نواف:وانت الصاج وين ذلفوو ذولا؟؟
الجد:روحو ناادوو علييهم
ابو خالد:مين بيروح عااد
الجد:محمد قووم وانا ابوك نادي على العيال
محمد:طيب يبا

الا بدخلت ريم وعهد...
ريم وعهد:السلام عليكم
ابوخالد:ياهلا ويامرحبا باللي جانا
ريم:الله يحييك عمي
ابو مشاري:امري يباا شبغيتو ناقصكم شي؟؟
ريم:لاسلامتك يباا بس نبي نروح السوبر ماركت نجهز لنا اغراض
ابو مشاري:طيب ومن بوديكم
عهد:السايق عمي من بيكون يعني؟؟
ابومشاري:لالا روحه مع السواق مافييه الدنيا مغرب مافيه امان
ريم:يباا مافيه احد بودينا
ابوخالد:الشباب يودوكم واللحين بنقول لهم عالرحله واكيد يبوون ياخذون شي
ريم وعهد:انشاء الله عمي

عند الشباب.....
محمد:السلام عليكم
الشباب:وعليكم السلام
وليد:حميد وينك منخش عناا ومانشووفك جالس مع العجاايز شلك فيهم
محمد:العن شكلك هذولا عمامك وابوك ماتستحي على وجهك
وليد:السموحه ياابو حمييد
محمد:عمى بعينك قول عمي
وليد:على هالخشم حميد <<ويرفع حواجبه
محمد:لابارك الله فيك
خالد:هلاعمي امرر ماعليك من هالمهبل
محمد:وانت الصاج هذول مامنهم فايده
نواف:من متى وصارت لهم فايده ياحسره
محمد:ههههه حسبي الله على بليسكم المهم قومو يبوكم الشيااب
فيصل:لاحوول شيبوون بعد مايتركونا في حالنا
عبدالرحمن:افففف قول لهم مشغولين
محمد:عمى بعينك انت ويااه قومو خلصوني
الشباب:طيب

عند الشياااب....
الشباب:السلام عليكم
الكل:وعليكم السلام
الجد:تعالو هنا بقولكم شي
نواف:الله يسترر
الجد:شقلت
نواف:لا ابد سلامت عمرك
الجد:اسمعوو يوم الاربعاء بنروح المزرعه من الصبااح وبننام فيها يومين
فيصل:احلللف
الجد:استح على وجهك
فيصل:المعذرره يبا بس قصدي جد
الجد:ايه جد
عبدالرحمن:الله يطول بعمركم
وليد:جدي متى الرووحه؟؟
الجد:شوفو اخوكم مو مسخن هالخبل اقوله يوم الاربعاء ويسأل متى
فيصل:لاتعتب عليه يبا بس مشغوول فكرره
الجد:قم انت ويااه لابارك الله فيكم مشغوول قال
نواف:افا ياجدي تطردنا
مشاري:هذا هم مايتغيرون
الجد:اسمع انت وياه وصلوو البنات السوبر ماركت
الشباب:بعدد
خالد:انا اعتذر مو فاضي لهم
نواف:وانا مالي خلق وتعبان
الشباب:احنا بعدد
الجد:عمى بعينكم اسمع انت وياه خالد نواف انتو اللي بتودوهم سامعين
نواف:افف جدي انا ماليي خلق
ابو نواف:خلص عمى بعينك انت ويااه يلا روحو وشوفو البنات خلصو ولا لا
ريم:عمي نقوم نجهزز <<وهي تمد لساانها لشباب عشان تغيضهم
الجد:اييه روحو اجهزوو
عهد:طيب يلا نستأذن

عند البناات.....
ريم:السلام
العنود:حشىى كل هذا تاخذون اذن
عهد:الناس ترد السلام بالاول
العنود:وعليكم السلام بس خلصونا عطونا الزبده
ريم:قومو جهزوو
البنات:يلااا

عند الشباب....
مشاري:عمى بعينهم مالقوو غيرنا
فيصل:افف ليش مو السواق يوصلهم
نواف:انطم انت ويااه عورتوو راسنا
عبدالرحمن:تكلم جدي الثاني
الشباب:هههههههههههههههههههههههههههه
خالد:شرفوو حضرتهم

وكل البنات تقسموو في السيارات كالتالي:
سيارة خالد:
ريم+عهد+وعد+فيصل
سيارة نواف:
العنود+شهد+فجر+نايف
سيارة مشاري:
عبدالرحمن+وليد+محمد

............
وصلو السوبر ماركت وكل وحده راحت مكان تاخذ الاغراض اللي تبيها

عند العنود والريم وشهد...
العنود:ريموو شوفي ذااك الهندي يجنن شعره
ريم:وعع لو شاروخان قلنا طيب الا هذا وعع
العنود:مالت امشي بس نكمل
شهد:بنات تبون فونزيز؟؟
العنود:اييه جيبي
شهد:حار لو بارد؟؟
ريم:الاثنين

وتفرقوو عن بعض

وبعد ماخلصوو كلهم من السوبر ماركت ركبوو سيايرهم نفس ترتيبهم

.................
بعد يومين وهو يوم الثلاثاء.....
ريم تتصل الى العنود:الوووو
العنود:هلا قلبوو
ريم:تعااليي شبتااخدين من اغراض
العنود:باخذ اشرطة افلام والاكل وثياب وبس ولا في شي بعدد
ريم:ايه فيه نبي اشرطة اغاني ومسجل
العنود:انا ماعندي مسجل تحصلي عند الجوري
ريم:طيب والاشرطه بناخذ من عند عهد شرايك
العنود:طيب تم
ريم:يلا باااي
العنود:بايااات

ريم اتصلت الى الجوري واتفقت معها واتصلت الى عهد واتفقت معها
ريم تكلم نفسها:باقي منو بعد اتصل فييه ايييه صح اتصل لرغوده واقول لها
مشاري:الحمدلله والشكر اول مرره اشوف واحد يكلم نفسه
ريم كشرت:وانت شدخلك وراحت عنه الى غرفتها

اتصلت ريم الى بيت رغد....
ريم:الوو
؟؟:الوو
ريم في نفسها يؤؤ منوو ذاا؟؟:لوسمحت موجوده رغد
؟؟:من اقول لها؟؟
ريم:صديقتها
؟؟:وصديقتها ماليها اسم
ريم:افف خلصني قول لها ريم
؟؟:طيب
بعد دقايق رفعت رغد
رغد:الووو
ريم:هلا والله جاان طولتي بعدد
رغد:شسوي على مانزلت من غرفتي
ريم:مو مهم بس بقولك تعالوو انتي واهلك مزرعتنا بكره
رغد:لييش شنوو المناسبه؟؟
ريم:ووجع هذا جزاتي ابي اونسك واخليك تغيرين جوو
رغد:اها طيب اشاور اهلي واعلمك
ريم:طيب ولاتتأخريين
رغد طيب يلا بااي

وانتهت ريم من مكالماتها وراحت تجهزز اغرااضها

في بيت ابو نواف....
رنا:يمآآآ
ام نواف:نعم شتبين لاتشغليني
رنا:يمآآ ماشفتي بلوزتي الصفراء
ام نواف:وانا شدراني أسألي ميري
رنا:افف طيب ميريييييييييييي
ميري:نعم ماما
رنا:وين بلوزتي الصفراء
ميري:مافي معلوم ماما
رنا:ووجع انتي اللي تغسلي الثياب لو انا
ميري:يمكن في غرفه مال انتا
رنا:روحي شوفيها وخلصيني
الجوري:شصاايرر؟؟
رنا:هالغبيه ماتدري وين بلوزتي
الجوري:اممم ماعليك منها انا بروح اشوف عباتي
رنا:طيب
الجوري:رنا
رنا:هلا
الجوري:جهزتي شنطة الاكل
رنا:ايه
الجوري:طيب سي يوو

في بيت ابوخالد.........
العنوود:يمآآآآآآآآآآآآآآآآآآآآآآآآآآآآآآآآآآآآآ
ام خالد:ووجع حشىى هذا انا هنا مو بعييد شحقه كل هالصراخ
العنود:افف يمآآ ماشفتي وين برقعي
ام خالد:لاا ماشفتها
عبدالرحمن:الحمدلله والشكرر في وحده ماتدري وين اغراضها
العنود:مالك شغل انت مايخصك فيني فاهم
فيصل:هي انت وياها شصاايرر شحقه كل هالصرااخ
عبدالرحمن:أسأل هالبزرر
العنود:بزرر في عيينك

في بيت ابو ناايف.........
عهد:وعد وش بتاخذيين؟؟
وعد:مدري شرايك ناخذ البدلات اللي شريناها من المارينا
عهد:طيب مش مشكله
وعد:يلا اجل بروح اجهزز
شهد:بناات تدروو وين الكريم حق البشره
وعد:اي كرييم
شهد:كريم دوف يعني اي كريم
وعد:تلاقينه موجود عالتسريحه
شهد:طيب يلا انا بروح اجهزز

في بيت ام رائد.......
رغد:يمآآ هاا شقلتي موافقه ولا لا؟؟
ام رائد:والله مدري يبنيتي بس اخاف نحرجهم معنا
رغد:لايمه مافي احراج ولا شي احنا متعودين عليهم
ام رائد:طيب شاوري اخوانك
رغد:طيب
رغد:يااااااااسرر رااااااائد
ياسر:نعم
رغد:ممكن توديني مزرعة بيت الفارس
ياسر:ليش شعندك ؟؟
رغد:لابس عازمينا نروح معهم
ياسر:افكرر
رغد:اووف بلا نذااله
ياسر:هههههههههههه طيب رووحيي اجهزي انتي واختش
رغد:طيب تسلم ليي يااحلى اخوو بالدنياا
ياسر:نصااابه

.....................
نهاية البارت الثاني

توقعاتكم:
وش بيصير في المزرعه هل بيروحو ولا بيصير شي يوقف هالطلعه؟؟

وش بيصير في المزرع
ه من احداث؟؟
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:27 pm


((البارت الثالث))

في الصباح جهزو كل العائلات وتجمعو في بيت ابومشاري
عند عائلة ام رائد....
ياسر:رغوده إسألي صديقتش وين هم عشان نروح لهم قبل لايمشون
رغد:طيب اللحين أسأل لك
اتصلت رغد الى ريم....
رغد:الوو
ريم:هلاوغلا وينكم؟؟
رغد:بسألك وين أنتو واقفين
ريم:أحنا عند بيتنا التجمع هنيه يلا تعالو بسررعه
رغد:أوكي مسافة الطريق واحنا عندكم يلا باي
...
رغد:ياسر يقولون انهم متجمعين عند بيتهم
ياسر:طيب انا في السياره يلا خلصوو بسررعه

وتجمعت كل العوائل عند بيت ابو مشاري وانطلقو الى المزرعه
في السياارات.....
في سيارة ابو مشاري....
مشاري:يبا انا ابي اروح مع الشباب مابقعد معكم
ريم:فكه مابغيت تحس على دمك
مشاري:انتي محد لقفش
ريم:انا بكيفي
ابو مشاري:وانتو كله هواش ماتعقلون وانت يامشاري اذا وقفنا في المحطه رح لهم
..........
في سيارة ابو نواف....
الجوري:يبا وين بنات عمي؟؟
ابونواف:وانا شدراني عنهم
الجوري:افف يبا اتصل لهم
ابونواف:افف طيب بس فكونا
رنا:الجوري وين بتروحين؟؟
الجوري:بروح لهم اذا وقفنا في المحطه
.........
في سيارة ابو خالد.....
العنود:يبا تقول ريم بنت عمي نروح لهم في سيارتهم
ام خالد:وليش بعد؟؟
العنود:هناك التجمع
ابوخالد:طيب بس نوقف في المحطه
............
في سيارة الشباب.......
وليد:تصدقوون البنات متفقين كلهم يروحون مع عمي ابو خالد
عبدالرحمن:الله يعين المسكين مشاري
وليد:ههههههههه اتخيل شكل مشاري وهو معصب
نواف:افف ازعجتونا خلاص انطمو
فيصل:افف ماتخلو الواحد ينام شوي
خالد:يلا انجبو نامو اريح لكم
وليد:اسمع جدي ونصائح عمي
عبدالرحمن:انطم لاينزلنا
وليد:يسويها قليل الخاتمه
عبدالرحمن:انا بنام على مانوصل
...............
في المحطه نزلو البنات كلهم وتجمعو في سيارة ابو خالد وراح مشاري
مع الشباب وبعد ساعتين وصلو المزرعه ونزل الكل من السيارات ودخلو الاغراض
اما الحريم دخلو المجلس.........

عند البنات......
العنود:الللله المكان روووعه
ريم:حلات المشي فيه عند الغروب
العنود:يقال رومنسيه
وعد:ياشينكم ماتخلو الواحد يتأمل بسكوون
العنود:خلف الله على اللي جابكم
ريم:انا ادخل احسن من مقابل وجيهكم
..............
عند الشباب الكل دخل اغراضه واللي دخل يسبح واللي نام<<مامنهم فايده

عند الشياب......
ابو خالد:يبي لنا ناخذ لنا غفوه الطريق كسر عافيتنا
الجد:وانت الصاج يلا قمنا
........
والكل قام ينام ماعدا الحريم قعدو يجهزون للغذا والبنات قامو يرتبون اغراضهم وبعدها ناموو

الظهر........
الجد:يلا قومو خلنا نقعد الشباب هذول بالموت يقعدوون

عند الشباب.....
الجد:يلا قوموو ووجع لين متى بعد يلا قومو صلوو الساعه وحده وعمى يشيلكم
عبدالرحمن:افف جدي روح وبعد نص ساعه تعال
الجد:وعمى يشيلكم والله ترى بجيب لكم جيك ماي بارد
فيصل:جدي انت من مسلطك علينا خوب محنا يهود
الجد:والله لو يهود قامو قومو قامت قيامتكم
نواف:افف جدي صااير اعظم من بلييس
الجد فاتح عينه على اخرهم:شقلت ياقليل الخاتمه صج ماعندك سنع ولا حشيمه
نواف:السموحه منك بس نبي ننام
الجد:طيب ناامو
راح الجد وجاب جيك مويه باارد وفيه ثلج وكبه عليهم واحد واحد
واللي قام مفزوع ويصرخوون واصواتهم توصل اخرر الدنيا
عبدالرحمن:حسبي الله عليك ياجدي
وليد:افف شهالعيشه اللي تقصر العمرر
والكل قاام يستعد ويصلي وبعدها راحوو يتغدوون
..........

عند الحريم....
ام خالد:حسبي الله على هالبنات مو راضيين يقعدوون شسوي لهم
امنواف:انا ارويش اللحين فيهم

عند البنات....
الهدوء عام المكان وجو الغرفه باارد فجأه....
ام نواف:يلا انتو خلصوني وقومو
العنود:افف خالتي الله يخليش اذا تدلي الباب اطلعي منه وسكريه وراش
ام نواف:لاياقليلة الادب قومو وخلصوني ولابجيب لكم الماي يقعدكم
البنات بصوت واحد:لاااااااااااا خلاص قمنا

وبالفعل الكل قام وصلوو وراحوو يتغدون ومرت فترة الظهرر على خيير جاء العصر...

عند الحريم....
يجهزون الشاي والقهوه والحلويات...
ام خالد؟:العنود العنود
العنود:نعم يمآآ
ام خالد:روحي ودي القهوه للرجال
العنود:افف والخدم شنوو شغلتهم
ام خالد:ووجع يشيلك وانتي لاسنع ولاحشيمه لاحد يلا خلصيني

راحت العنود اخذت الاغراض وهي تتحرطم الا يشوفها نواف...
نواف:الحمدلله والشكرر انتي مجنونه تكلمين نفسش
العنود:مالك خص فيني فاهم
نواف:وانتي لييش لسانش اطول منش
العنود:طالعه على ولد عمي الغبي
نواف:اجل انتي غبيه

مشت العنود عنه بقهرر ودخلت المجلس
العنود:السلام عليكم
الكل:وعليكم السلام
وحطت الصينيه وطلعت وهي طالعه نواف كان في وجهها وتعرقلت بالجزم وتطيح عليه ويتدحرجون
ويصير فوقها العنود من الصدمه والقهر والحيا الشعور صار متخالط عندها بس عشان ماتبين
قالت بعصبيه:انت عمي ماتشوف وخر عني
نواف:اظن انتي اللي تعرقلتي مو انا وهذا دليل واضح انه انا العمي
العنود:بلا كثرة حكي وفارق
وراحت عنه ودخلت الصاله من جهة المطبخ الخارجي ووجهها احمر من الفشيله الا شافتها ريم
ريم:اعترفي يابنت من مغازلنش
العنود:وش هالغباء يلا فارقي عن وجي
ريم:إنتبهي لاينط لش عرق
العنود:طاح حظش دلفي عن وجهي
ومشت عنها وهي منقهره من نواف

نروح من جهه ثانيه الى نواف...
نواف:الحمدلله والشكرر انسانه مريضه وناقصه عقل بس تجنن لكن مااطيقها هالملسونه
ومشى وراح للشباب في المخيم.....

نواف:السلام عليكم
الكل:وعليكم السلام
وليد:وينك ابو الشباب ماشفناك اليوم
نواف:وش اسوي مو مخليني هالشياب في حالي روح سوي وروح جيب
فيصل:هههههههه الله يساعدك مساكين منكرفين انت ونايف
نواف:وليش وين نايف؟؟
فيصل:طرشوه يجيب ماي واغراض من السوبر ماركت
نواف:اف كل هذا الله يساعده بس
مشاري:السلام عليكم
الكل:وعليكم السلام
نواف:وينك انت بعدد؟؟
مشاري:رحت اجيب مستلزمات الحريم اذوني اففف
نواف:شفيهم هذولا اليوم احد مسلطنهم علينا
وليد:عندي لكم حل عشان ماتنكرفون
خالد:اطربنا بحلك
وليد:روحو اخرر المزرعه وقعدو هناك وكل ماحد قال لكم يبي شي قولو النسوان مطرشينا نجيب لهم اغراض واذا كلموكم الرجال
قاطعه نواف:بس بس عورة راسنا
وليد:ياخي ليش انت نذل قاعد لنا على كل شي قلناه عمى بعينك
عبدالرحمن:قومو بس بدل هالهدره نروح عند الاسطبل ونتسابق ونسوي لنا شي بدل هالملل
خالد:اول مرره تقول شي سنع
عبد الرحمن:الله يسامحك بس بافوتها لك لانك بس مو وجه نعمه
خالد:فكنا بس وخلنا نقووم

وبالفعل الكل قام وراحو الاسطبل في اخرر المزرعه وجلسوو يتسابقوو

عند البنات....
عهد:نفسي في شي من السوبر ماركت
شهد:وانا بعد
الجوري:شرايكم نتصل للشباب ونقول لهم
ريم:ههههههههه ضحكتيني
العنود:حلم بليس في الجنهيلبون لنا شي
عهد:والحل طيب
وعد:خلنا نجررب ونشوف
اتصلت العنود الى خالد.....
العنود:الووو
خالد:خيير شتبين؟؟
العنود:حبيبي اخووي نبي اغراض من السوبر ماركت
خالد:للاسف انا والشباب مطرشينا الشياب ناخذ لهم اغراض ومو فاضيين لكم
وسكر السماعه في وجهها
العنود:عمى يعميه سكر السماعه بوجهي
ارجوان جايه من براا:بناات الحقوو الشباب يلعبوو سباق في اخرر المزرعه عند الاسطبل
العنود:حلفي؟
ارجوان:والله روو شوفوهم بعد
العنود:هين ياخويلد تقول ليي مشغولين هاا انا لكم
ريم بتفكير:شرايكم نرد لهم الحركتهم ونسوي لهم مقلب
العنود:اول مره بنت عمي تطلعي بشي زين
ريم:قلت لكم طيعوني وماتخسرون
العنود:بس شنوو المقلب
رغد:انا عندي فكره
العنود:اتحفينا ياانسه رغد

نروح عند الشباب في اجواء السباق...
فيصل:من الاول؟؟
نواف:نبدأ بالكبار اول انا ورائد وبعدين ياسر ونايف وبعدين خالد ومشاري وبعدين محمد وفيصل وبعدين وليد وعبدالرحمن والكل اتفق
على كذا ونتائج السباق كالتالي:
نواف فاز على رائد
ياسر فاز على نايف
خالد ومشاري تعادل
محمد فاز على فيصل
عبدالرحمن فاز على وليد

عبدالرحمن:ويلييي لقط وجهك وليد فزت عليك
وليد:عادي مايهم اهم شي اني تونست
عبدالرحمن:ايه ماعليه الا محترق مو عادي خخخخ

وقعدوو يسولفوو ويخططون للمستقبل ووش بيسوون<<امحق عااد

نروح عند الرجال والحريم في المجلس...
ابو نواف:والله هالايام الجوو مره حلوو وروعه يصلح للطلعات
ابو نايف:بس وش الفايده ماجا هالجو الا على اخر الاجازه مايمديك تسوي شي ولا تطلع
ابو مشاري:وانت الصاج بداية السنه حر مايشتهي الواحد يطلع
ام نواف:اي والله يلا ان شاء الله الاجازه الثانيه نساافرر
ام رائد:وانتي الصاجه يبي لنا لو عطلت نص السنه لو نروح المدينه ونجي
الجد:دام الفكره جت عند النسوان اجل رحنا فيها
الجده:شقصدك اي بنسافر يعني بنسافر لو حتى بدونكم
ام نواف:وانتي الصاجه ياعمه

عند الشباب....
فيصل:والله مالي خلق للمدرسه
وليد:وعع وش جاب هالطاري تونا مفرفشين
نواف:اجل لاتفرفش وااجد لان الاسبوع الجاي دوامات
ياسر:ياربي شهالقرف لاتكمل مالي خلق للشغل وجو المدارس ممل
نايف:وانت الصاج قرف وممل

...................................
نهاية الباارت الثالث

توقعاتكم:
وش بيصير على البنات ومقلبهم؟؟

هل بيصير شي جديد على العنود ونواف ولا بيضلوو على هواشهم؟؟

وش بيصير على الحريم وفكرتهم للسفرر؟؟

وش بيصير الاسبوع الجاي والدو
امات؟؟

وش اخر
ر التطورات؟؟
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:28 pm



((البارت الرابع))

عند البنات في المزرعه جالسين سوالف وتخطيطات حق المدرسه و....الخ

عند الشباب الكل قاعد وساكت والبعض ياكل والبعض يشاهد والبعض مو موجود وعام السكون على المجلس فجأه...
بنت دخلت متغطيه وتبكي وتضرب على خدينها وتأشر على فيصل وتقول:انت السبب انت السبب حسبي الله عليك
والكل في دهشه ومنصدمين من اللي يصير حتى فيصل مو عارف يبرر او يتكلم
والبنت متواصله في كلامها:حرام عليك ليش تسوي فيني كذا تدري اللحين اني حامل
الكل توجه نظره الى فيصل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البنت:هذا ولدكم متزوجني بالسر وانا اللحين حامل منه وساكت ولا كأنه مسوي شي
نواف قام معصب:شهالهبل من انتي وشتبين قاعده تتبلين علينا فيصل ولد عمنا ونعرفه مو وحده خايسه مثلك ترمي بلاها علينا
البنت:ليش انت تدافع عنه هو ساكت ليش ماتخليه يعلمكم كل شي
قام فيصل لها وهو في قمة الصدمه والعصبيه:انتي منو؟؟وليش قلتي كذا انا ماعمري تابعت بنات او سويت شي مثل كذا ويلا برررررى
البنت:افا يافيصل تطردني انا زوجتك حرام عليك
الكل:برررررررررررررررررررررى
خالد قام للبنت واخذها من يدها وطلعها برى المجلس بعصبيه:يلا ياحقيره برررى
طلعت البنت والكل توجه نظره الى فيصل
خالد راح وعطاه كف:منوو هذي ياحقيير
فيصل من القهر جلس يبكي:وربي مااعرفها ليش تتبلون عليي حرام عليكم والله حرام


نروح عند الحريم.......

ام نواف:مدري وين يروحون هالبنات ماعاد نشوفهم
ام خالد:اي والله بروح اشوفهم

نروح عند البنات......
دخلت رغد وهي تنافخ:آآآه تعبت
البنات:هااا شصاار سويتي اللي قلنا لك عليه
رغد:ايه افا عليكم اعجبكم اناا
ريم:شصاار علمينا؟؟
رغد قالت لهم كل السالفه من طقطق لسلام عليكم والبنات مااتوو من الضحك
العنود:خلنا نروح نشوف الاخبار
طلعوو البنات متوجهين للمجلس شافوو الشراار يتطايرر والجو متكهررب والكل خااف
ريم:خلنا ندخل ونقول لهم الحقيقه اخاف يصير شي اكبر من كذا
العنود:ايه صح
الكل دخل المجلس وهم يضحكون وقالوو:عرفنا نررد لكم المقلب
الشباب في حالة ذهول ومو عارفين القصد
نواف:قصدكم البنت اللي دخلت من شوي مقلب؟؟!
البنات ردوو عليهم بضحكه
قام فيصل لهم وهو في قمة قهره:لكن من البنت فيكم؟؟!
العنود:برىى خايفه منك مسوي لها رعب
فيصل طلع برى ولكن وقف متصنم ماعرف شيقول من شكل البنت اللي شافها قام يقول في خاطره:شهالملاك اللي نازل من السماء
رغد:فيصل انا اسفه لان من الاساس كانت فكرتي
فيصل في نفسه الله يازين اسمي على لسانش:لاخلاص بس مردوده بس انتي شسمك؟؟
ردت رغد بحيا:رغد
فيصل:واحلى رغد
مشت رغد ركض وهي مستحيه اما فيصل دخل المجلس والابتسامه من الاذن الى الاذن والكل استغرب من حال فيصل المتقلب
والكل انذهل اكثر لما فتح فيصل التلفاز ولا بعد على اغنية يارا (صدفه)وكان يستمع لها وهو مندمج وخلنا احنا بعد معااه:

صدفه ومن بين كل الناس علقني

من يوم شفته وعيني جات في عينه

حسيت شي في عيونه حيل يجذبني

لما ابتسم بانت بوجهي تلاوينه


سلم عليي وجلس جمبي وكلمني

كل الحواجز تلاشت بيني وبينه

اخذ ايديني بايديه وقام يوصفني

ولا تمنيت ايدي تترك ايدينه


قالي كلام بصراحه حلو دوخني

ماقد سمعت بحلاته اه يازينه

معاه احس الأغاني عنه وعني

واجمل اغاني الغزل شعري وتلحين

.........
وفتح الشبس وقعد ياكل فيه<<فيصل
العنود:سبحان مغير الاحوال اكيد مسوي بلوه
ريم:نروح نشوف البنت خوفي ماتت
عهد:اسم الله عليها
نوف:شسويت في البنت؟؟

وفيصل عاطنهم اكبرر طااف وعاايش حلمه وطلعوو البنات من المجلس

نروح عند الشياب.....
ابو خالد:يلا خلصت الاجازه ومن الاسبوع الجاي بنروح الشركه
ابو مشاري:الا اخبار الشركه؟؟
ابو نواف:والله قايمين فيها الشباب الله يعطيهم العافيه
ابو نايف:واخبار الاسهم والعقار؟؟
ابو خالد:والله الحمدلله زين وشبه مرتفع السوق
الجد:الله يوفقكم دنيا واخرره للاحسن ان شاء الله


نرووح لجهه ثانيه عند البنات وحالتهم حاله يدورون على رغد محد لقاها
وقفت نوف بتفكيير:ليش مانروح اخر المزرعه يمكن هناك
البنات:يلا
والكل توجه لنهاية المزرعه


عند الحريم.......
ام مشاري:سمعتو ببنت فلان تطلقت او امس
ام نايف:يؤؤ وليش خير ان شاء الله
ام مشاري:يقولون دخل عليها رجلها وهو سكران والعياذ بالله
ام نواف:لاحول ولاقوة الا بالله
الجده:هذي اولاد هالايام مو مثل قبل سنع ودرابه الا خراب ومامنهم فايده
ام رائد:الله يهديهم ويبعد عن عيالنا اولاد السوء
الكل:يااااااارب



......................
نهاية البارت الرابع...
توقعاتكم....

هل بيشوفو البنات رغد ولا بتختفي للابد ومابيكون لها دور في قصتنا؟؟

هل بيصير تطور في علاقة رغد مع فيصل ولا خلاص انتهى كل شي؟؟

هل بيصير شي يخليهم يرجعوو
من المزرعه الى بيوتهم
؟؟

وش بيصير من تفاصيل جديده؟؟
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:29 pm

((البارت الخامس))

عند البنات مازالو في البحث عن رغد فجأه سمعوو صوت احد يناديهم...
وعد:تعالو لقيتها
الكل توجه للمكان اللي تروح له وعد الا لقو رغد جالسه عن المراجحين وقاعده على الرمل وترسم قلب وتشخبط وسرحاانه
ريم:الحمدلله والشكر شفيها هذي
العنود:هذي اللي صار لنا ساعه ندور عليها شوفي بالاخير شتسوي ولا هامها شي
ارجوان:الظاهر طاحت ولاحد سمى عليها
رغد تسمع لكلامهم ولاكأنها تسمع بعد اخر شي قالت:يلا ندخل داخل برد الجو
الكل استغرب من تصرفاتها ودخلو داخل

مروو يوم الخميس الجمعه سريع والكل قام يجهز اغراضه للرجوع الى البيوت
وبعد يومين في بيت ابو خالد....
العنود:يبا ابي فلوس بروح انا مع البنات نجهز اغراضنا قبل يوم السبت
ابو خالد:طيب وكم تبين؟؟
العنود:اتوقع ثلاث مئه تكفي
ابوخالد طلع من بوكه الفلوس وعطاها وياهم
راحت العنود واتصلت بيت ابو نواف...
العنود:السلام عليكم
نواف:وعليكم السلام خيير شتبين من صباح الله خيير
العنود بطفش:ابغى الجوري
نواف:وشفيش ملانه؟؟
العنود:مطول؟؟!
نواف:اطول على شنو ياحسره
العنود:خلصني بدل هالهدره
نواف:مو كأن عطيتش وجهيلا انقلعي والجوري مافيه وسكر السماعه

العنود طنشت واتصلت بالباقي وبعدها رجعت اتصلت بيت ابو نواف بس هالمرره اللي رفعها وليد..
العنود:الوو
وليد:يامراحب من معي؟؟
العنود:ممكن ياحلوو تعطيني الجوري
وليد بإستغراب:ومن تكوني؟؟
العنود:بنت عمك يالوح
وليد:لحظات اناديها بس
وبعدها بشوي ردت الجوري..
الجوري:الووو
العنود:ليش رديتي كان انتظرتي للمغرب بعدد
الجوري:عادي اذا جااء المغرب برد يلا باي
العنود:فاضيه لك تعالي وخلصي عليي
الجوري:شتبين؟؟
العنود:بتروحين معنا
الجوري:وين؟؟
العنود:المكتبه والسوق بناخذ اغراض للمدرسه
الجوري:متى؟
العنود:اجهزي نص ساعه وحنا عندك
الجوري:طيب يلا باي

خلصت العنود واخذت السواق ومرت على البنات واتوجهو الى السوق وانقسمو الى قسمين:
العنود+رغد+ريم+شهد+رنا<<القسم الاول
الجوري+وعد+عهد+نوف+ارجوان+فجر<<القسم الثاني

عند شلة العنود.....
ريم:شوفي رغدوه ناخذ لنا من ذا القماش مرره حلييو وخفيف عشان الصيف
العنود:اي صح بس كم متر ناخذ؟؟
رغد:يبي لنا اول نشوف الموديل وكم يبي له
العنود:اممم عادي زي كل سنه حجازي
رنا:لاااع موو حليو نبي فرنسي وفيه حزام وكذا حركات
ريم:وععع خلينا هالحركات لاشكالك
شهد:ماينعتب عليكم عرابجه
ريم رافعه حاجب:خييير؟؟

المهم واتفقو على الموديل والقماش وطلعوو من المحل بعد مااخذوو لهم

عند شلة الجوري....
وعد:نبي ندخل محل عشان نشتري بكلات شعر وشرايط وبعدها نروح محل مكياجي ناخذ لنا منه كريمات
الجوري:ياحبكم لهالشغلات
عهد:ماحد اخذ رايش اذا مابتروحين بكيفش
الجوري:ايه مابروح بروح محل كليرز باخ ليي شنطه وبكلات من هناك
نوف:بكيفش
وراحو محل مكياجي وهي راحت محل كليرز وهي تمشي جاها واحد ...
الولد:يسلم هالطول وهالعيون
الجوري:عمى بعينك ماتستحي على وجهك
الولد:آآه من عيونك تطيح الطير من السمااء اذووب علييك
الجوري خافت منه وتقول في خاطرها ياربي شهالبلشه بس النذل حلوو
الولد:شفيك ياقلبي ماتردين؟؟
الجوري:وربي اذا ماتروح بنادي لك السكيورتي
خاف الولد وهج (فلح)عنها وماشافت الا غباره ضحكت في خاطرها وقالت والله حاله شباب اخرر زمن

عند الشباب.....
وليد:شرايكم نروح السوق ناخذ لنا بدلات ونفصل لنا ثياب؟؟
عبدالرحمن:ايي صح دامنا مقربين للمدارس
فيصل:وين بتروحون لكن؟؟
نواف:عادي اي مكان يكون موجود فيه كل المستلزمات
خالد:خلاص نروح السوق اول وبعدين نروح المكتبه
واتفقو الشباب وراحو سواا في السياره الكبيره

في السووق عند الشباب....
وليد:خلونا نروح محل القماش اللي جنب محل كليرز
عبدالرحمن:لالا نروح الى محل ثاني احسن
نايف:وليد خلاص انا بروح معك واللي بيجي معنا حياه واللي مابيجي بالطقاق
خالد:وانا كمان بروح معكم
واتفقو راحو خالد ونايف ووليد للمحل والباقي راحوو محل ثاني
مروو عند كليرز الا الجوري طالعه من المحل وشافت وليد ونادت عليه:وليد وليد
وليد:بسم الله في بنت تناديني
خالد:ماعليك منها وخلنا نمشي
وليد شاف البنت تتقرب منهم وبدون اي خوف او تردد
الجوري:وش جابكم هنا
وليد:الجوري؟؟
الجوري:اييه يالمصرقع الا ليش جاايين؟؟
وليد:ليش بعد بنشتري
خالد:وانتي جايه مع منوو؟؟
الجوري:مع البنات يلا انا رايحه لهم تبوون شي؟؟
نايف يقول في قلبه اييه خلك يالبيه عيوونها تذبح ولا جسمهاا اخ بس بس سريع طرد هالافكار من عقله
وليد:لا بس طسي

في جهه ثانيه عند البنات شلة العنود...
ريم:يمآآآ شوفوو ذااك شلوون خشته ولا جالس يغازل ويلاحقنا
العنود بتوتر:سكتي ووجع تراش لحستي مخي
شهد بخوف:اووف اسكتوو وترتوني
قرب منهم الشاب وقطع عليهم طريقهم وقال:يااحلوين خذوو الرقم
العنود:هييي احترم نفسك لااحوسك فاهم
ريم:سكتي لاتفضحينا
الولد:آآه منكم كل وحده احلى من الثانيه شرايكم تنامون معي ليله
العنود عصبت:بجد قليل ادب وكبت البيبسي عليه من القهرر
ومشوو عنه والولد صاار في قمة الفشيله وطلع من المجمع بكبره

ريم:يااربي شلوون جتك الجرئه
العنود:انا ماني متحسفه على شي كثر البيبسي
الكل:هههههههههههههههههههههههههههههههههه
شهد:حسبي الله على بليسك ماغير ذاا اللي تحسفتي عليه

وبعدين الكل خلص من تجهيز الاغراض ورجعوو بيوتهم...
بعد اسبوع اول يوم دراسي لأبطالنا....
في بيت ابو خالد....
ام خالد:العنود ووجع قومي خلصيني بيجي لك السواق بعد نص ساعه
العنود:يمه تكفيين خليني شوي بس
ام خالد:العنوووووووووووووووود وبعدين
فزت العنود من منامها وراحت الحمام وطلعت جهزت حالها ولبست المريول وفرقت شعرها فرق وسطي ورفعت شعرها بشرايط
وسوت لها ذيل الحصان وحطت لها قلوس وكحله

في بيت ابو نواف....
الجوري قعدت من الفجر الساعه 4 وصلت وجهزت اغراضها متحمسه للمدرسه <<حال كل البنات اول يوم دائما هيك
لبست مريولها وخلت شعرها نصه مفلول والباقي رفعته ببكله وحطت لها قلوي وكحله

عند رنا...
لبست وجهزت ورفعت شعرها بأعواد صينيه وحطت لا كحله وقلوس وردي ولبست كل شي وردي


وكل ابطالنا تجهزوو للمدرسه....

في المدرسه الحصه الاولى...
طبعا البنات كلهم في فصل ماعدا الجوري وشهد في فصل غيير بما انهم اكبر منهم بسنه
ريم:اووف ملل
العنود:من تتوقعين علينا؟؟
وعد:اللحين نشوف بتجي المعلمه وبنعرف

الا بدخلت معلمه نوريه ....
المعلمه:السلام عليكم
البنات:وعليكم السلام ورحمة الله وبركاته
العنود:وععع احد يصبح على هالوجه
ريم:متأكده مئه بالمئه بتعطينا درس
العنود:اوريش فيها ان ماطفرتها من اول يووم مااكون عنوده
وعد:شبسووين؟؟
عهد:الله يسترر منك تكفيين لاتفشلينا
العنود:جب انتي وياها وعمى بعينكم
المعلمه:خبيير انتو وياها موو ناويين تنطموو؟؟
العنود:معلمه اول حصه وتبين تطفشينا
المعلمه:ووجع احترمي ولا اطلعي برى
العنود:حشى من اول حصه وطررد؟؟
ريم:خلاص العنود ووجع يشيلك
العنود اوريش فيها انا ان ماوريتها نجوم السما بعز الظهر مااكون بنت الفارس

عند الشباب في المدرسه...
وليد:وععع شهالحظ اول حصه وكيمياء الله يساعدنا بس
عبدالرحمن:اللي قاهرني انه ابن الحمير بيعطينا درس واحنا لسه مااخذنا الكتب
الاستاذ:خيير انت وياه شعندكم؟؟
عبدالرحمن:ابدد استاذ بس اسأله كم التاريخ اليوم
الاستا:الحمدلله والشكرر احد يجي المدرسه ومايدري كم التاريخ؟؟



.......................
انتهى البارت الخامس

توقعاتكم...

هل بيصيير تطورات على الجوري ونايف ولا خلاص ؟؟

وش بتسوي العنود ووشو سالفتها مع المعلمه وتهديداتها؟؟

وش اخر الاخباااااااااار
ا؟؟
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:30 pm

[color=indigo]
((البارت السادس))

مر الاسبوع على خيير بدون اي احداث وبدأ اسبوع جديد اول يوم في المدرسه عند البنات....
العنود:اوريها حاطه بالها وبالي
ريم:عنوده لاتتهورين شبسوين؟؟
المعلمه:السلام عليكم
الكل:وعليكم السلام ورحمة الله وبركااته
العنود:اوريش ياعجوز النار
ريم:ووجع حرام علييك
المعلمه:هاا يالمجاانين شعندكم هالهدرره؟؟
العنود بعصبيه:وتقولين سكتي عنها
عهد:الحمدلله بكامل قواتنا العقليه
المعلمه:ايه مبين الله بالشني بمجانين احد قالكم انكم عقل؟؟
العنود:لابس انتي ماشاء الله علييش
دام المعلمه تشرح قامت العنود فتحت علكه واكلت ثلاثه وعلكتهم وراحت حطتهم فوق كرسي المعلمه جلست المعلمه عالكرسي شوي الا جات
بتقووم ولزق العلكه فيها عصبت:ووجع من اللي حاط العلكه
العنود ببرائه:مواحنا يمكن الجن
ريم:ايي صح يمكن
المعلمه:بس انتي وياها
وصفرت الحصه وطلعت المعلمه معصب في الحصه الثانيه جات المرشده الطلابيه:السلام عليكم
الكل رد السلام
المرشد:لو سمحتو العنود+ريم+عهد+وعد بعد الحصه اشوفكم عند الاداره
العنود:راحت اشتكت بنت بليس
وعد بخوف:يمآآآ تخيلي يفصلوناا
العنود:فكه بعدد
ريم:لااا شنقول لأهلنا
العنود:عادي نطلع من الصبح كأنا رايحين المدرسه لاكن بعدين نروح نتمشى
عهد:صح فكر حلوه
بعد الحصه راحو البنات الاداره ....
المديره:خير انتي وياها شقلت هالادب
العنود:شسوينا احنا بعد؟؟
المديره:تكلمي بإحترام يابنت
ريم:معلمه لو سمحتي احنا ماسوينا شي وموتذبون كل شي علينا
عهد:صح معلمه ممنوع الظلم
المديره:انتي وياها اخرر مره ترفعون صوتكم يلا وقعو على التعهد
العنود:لا ابوي قال لاتوقعي على شي الا اذا فيه فلوس
ريم:انا امي ماترضى
المديره:وانتو اكيد اخوكم قال لاتوقعون الا اذا فيها صفقه
وعد:وانتي الصادقه كأنش تدري عنا وش نقول ماشاء الله عليش بنات قولو ماشاء الله لاتصكوها بعين
المديره:طيب انتي وياها فصل اسبوع كامل
العنود:لللووووووووويش مابغيتي تفهمين
المديره بعصبيه:بلا قلة ادب ويلا برىىى على بيوتكم

..................

في بيت الجد البنات راحو هناك عشان لحد يكشفهم
العنود:شرايكم نسوي لنا شي ناكله
ريم:طيب بس اول اروح فوق ابدل واجي لكم

في الغرفه كان خالد في الحمام جاي ياخذ اوراق وريم دخلت الغرفه وجلست تبدل وخالد من الصدمه وقف زي المسبه وماقدر ينزل عينه من عليها وريم خلصت وطلعت
اما خالد نزل بشويش وطلع من البيت بدون مايحس فيه احد

.............
في الشركه في مكتب نواف جايين المرح الثلاثي مسويين زياره على قولتهم يبون يتثقفون وهم في طريقهم مروو على نواف...
وليد:هااا ولد العم شراايك تطلع معنا؟؟
عبدالرحمن:ايي صح نروح نتمشى
نواف:ايي عشان مانسلم من لسان هالشياب
فيصل:لانك عاطنهم وجه هذولا مب وجه نعمه
نواف:استح على وجهك هولا يالمسبه عمامك وابوك
وليد:فكنا ياشيخ بتجي معنا قبل لاينتبه لك احد ولا انثبر
فيصل:اسمع ترى الفرصه ماتجي الا مرره بالعمرر
نواف:خلاص جاي بس اخلص من اللي في يدي
عبدالرحمن:ياليل البعارين كم يبي لك يعني؟؟
نواف:شوياات بس وفكناا

...........

عند البنات في بيت الجد....

نزل جدهم وشاف العفسه والازعاج....
الجد:شهالعفسه انتي ويااها
البنات بصدمه:هااااا
الجد:ووجعااا
العنود:هذا اللي ماكنا حاسبين حسابه
ريم:الله يستر بس
الجد:لييش جايين هالحزه مب دوامات انتي وياها
عهد بخوف وتردد:الا ياجد بس تعرف احيانا المديره تسوي لنا زي العفو وتطلعنا عشان صايرين شاطرين
الجد مامشت عليه الكذبه:ماخوفي الا جايبين العيد بس انا اوريكم بروح اتصل على المدرسه واشووف
العنود:لالالالالالالالالالا انا اعلمك الساالفه
الجد:شررفي
العنود:فصلونا اسبووع ارتحت؟؟
الجد:شنهووو ولييش شنو مغبرين اوريكم ان ماحبستكم في البيت مااكون رجاال قليلين السنع
البنات:لااااااااااااااااااااا تكفى واللي يرحم والدييك

..................
العصرر عند الشباب....
خالد كان سرحان في البنت اللي شافها ويفكرر من بنته
نواف كان معصب من الضغط اللي عليه
وليد وعبدالرحمن طبعا فالين ابوهاا ومو جايبين خبرر احد
فيصل يفكرر في رغد وهل ممكن يشووفها
مشاري محتار مايدري شيسوي
نايف يفكر في الجوري واحاسيسه اللي يحس بها
محمد ماشي حاله وملان كالعاده

فجأه....
يدخل عليهم شخص ماكانو متوقعينه

..............

عند الشياب....
الكل مشغوول ويسوولف في الشركه والشغل اللي عليهم والصفقات والربح...الخ

عند الحريم....
الكل يسولف واللي يحش واللي يجهز اغراض القهوه

.............
عند البنات.....
العنود:اففف ملااانه تخيلوون يسوون علينا حجر
ريم:عاادي عندي لكم فكرره
البنات بصوت واحد:غررديي ياابنت
ريم:شراايكم نسوي جمعه بناات ونعزم رغد وخواتها؟؟
العنود:مش مشكله يلا
وعد:واتصلي بعد على الباقي طيب؟؟
ريم:اووك بس فكوناا

اتصلت ريم على بيت ابو خالد.....
خالد:الوووو
ريم:هلا موجووده نوف؟؟
خالد:من اقوول لها؟؟
ريم:ياانك بثرر ناديها وانت ساكت
خالد:خييير ؟؟
ريم:اللي سمعت
خالد:طيب يالبثرره
...بعد دقائق
نوف:الووو هلا وغلا
ريم:اهليين غلااتووو
نوف:اخباارك يابنت؟؟
ريم:تمام وانتي اخباارك؟؟
نوف الحمدلله الا عسى ماشرر غريبه متصله؟؟
ريم:ابدد تعاالي بيت جدي الكل هناا واحنا البنات مسويين جمعه
نوف:جد والله شهالحركات طيب دقاايق واكوون عندكم
ريم:طيب يلا بااي

اتصلت ريم على بيت ابونايف...
الخدامه نور:الوو
ريم:الوو نادي ليي على شهد
الخدامه نور:طيب ماما بس من يقول لها؟؟
ريم:ياابثررك خلصييني
الخدامه نور:اس في قوول ماما
ريم:قلت لك ابيي شهد ماتفهميين ووجع
الخداامه نور:طيب
بعد شوياات رفعت شهد...
شهد:الووو
ريم:هلا اقوولكم تعالي بيت جدي مسوين اجتماع بنات يلا باي
شهد:لحظه لحظه شفييك؟؟
ريم:خلصيني يلا باي

اتصلت على بيت ام رائد...
ياسر:الووو
ريم:السلام عليكم
ياسر:وعليك السلام
ريم:لوسمحت ممكن تنادي ليي رغد
ياسر:طيب بس من اقول لها
ريم:ريم
بعد شوياات...
رغد:هلا وغلا
ريم:اهلييينااات
رغد:اخباارك وحشتييينييي
ريم:وانتي اكثررر الحمد لله وانتي اخباارك؟؟
رغد:الحمدلله
ريم:المهم كنت بقوولك تعاالي بيت جدي عشان مسوين جمعه طيب؟؟
رغد:مدري بس اول اسأل امي واشوف في احديجيبني ولا لا
ريم:بلا بيااخه نرسل لك السواق وخالتي خليها عليي
رغد:لا خلاص انا بقول لها
ريم:طيب يلا باي

وخلصت ريم من اتصالاتها....
......
عند الشباااب.......
الكل مصدوم من الشخص اللي دخل عليهم
نواف:انت؟؟
؟؟:انا جاي وودي افتح معكم صفحه جديده واكون معكم علاقه اذا تسمحون ليي
وليد:ولييش توك تذكرناا
؟؟:انتو من زماان على بالي بس كنت خايف اجي لكم وتطردوني اوماتقبلوو
فيصل بسخريه:هه واللحين ليش ماخفت
؟؟:ماادري شجعت نفسي وجييت لكم
عبدالرحمن:احد يجي للموت برجوله؟؟
نواف:بس انت ويااه خلنا نشووف الرجال وانطموو

...................
البنات الكل اجتمع وداقينها سوالف ومسخرره....
ريم:احد يشووف لنا الشباب يمكن يرضوو يودوونا
العنود:حلم بلييس بالجنه
شهد:خلااص انا بروح واشووفهم

راحت شهد عن الشباب....
شهد:السلام عليكم
الكل:وعليكم السلام
شهد انصدمت من الشخص اللي تشوفه قدامها ونزلت منها دمعه:انت؟؟
نايف خاف على اخته يصير فيها شي وراح لها مسح دموعها:شهد انسي اللي صاار وماعاش من ينزل دموعك
؟؟:شهد سامحيني تكفيين
شهد:حراام عللييك لييش بعد مارحت جييت لييش
؟؟:والله كل اللي صاار غصبا عني مو من طيب نفسي تدرين انتي
شهد صدت عنه:هذا مو عذرر ومو مهم عندي
؟؟ نزلت منه دموع قهرر وظلم:انا آآسف تكفيين
نايف يغير الجوو:الا شبغيتي شهد كنتي جاايه غرييبه امرري
شهد ماحبت تخذل البنات وترجع بدون شي وبشجاعه:تسوون اللي نبيه
نواف:يالييل البعاارين توك تصيحيين خلاص روحي كملي صيااحك ولاعاد تجين
شهد بحزن:تعاايرني يانواف
وليد:مااعليش منه هاللوح قوولي شتبين؟؟
شهد:نبيكم تودونا نتمشىى تكفوون لاتردووونا
فيصل:طيب تبوون شي بعدد بس بدوون تأخيير
نواف بندم:شهد انا آسف مو قصدي
شهد بعتب:لاعادي متعوده عالجرووح
نواف:شهووده يالدوووبه تعرفيني اظن امززح معك مو قصدي
شهد ببتسامه:ولايهمك اخووي مسمووح

رااحت شهد وخبرت البنات انهم واافقو الكل تجهزز ورااحوو الكورنيش الدمام<<هع هع
وانقسمو في السيارات كالتالي:
سيارة فيصل:
رغد+ريم+العنود+شهد+وليد مع فيصل قدام

سيارة نايف:
وعد+شهد+الجوري+عبدالرحمن قدام مع نايف

سيارة نواف:
نوف+رنا+ارجوان+فجر

سيارة الشباب:
خالد+مشاري+محمد+ياسر

.....................
وصل الكل في وقت واحد الى الكرنيش وفرشوو المفاارش وواحد جلسوو فيه البنات والثاني الشباب
عند البنااات........
ريم:اللله الجوو رهييب
العنود:جدد مرره حلووو
رغد:الله نبي نجلس هناا للغرووب نتأمل البحر والسماا وتحرك الامواج وبدووء
العنود بملل:تكلمت فيلسوفة زماانها
شهد:خليي البنت تتحلم شوراها
وعد:تصدقوون نفسي ارووح اتمرجح والعب في الرمل
ريم بعربجيه:بابا ماما روحي العبي هناك بس لاتوسخي ثيابس زين
وعد بقهرر:بلا سخاافه
ريك:انا ادري عنش جالسه تستهبلين
فجر:بدل هالهواش قومو نتمشى وناخذ لنا ايسكريم
الكل:يلااااا
عهد:لحظه اول خلنا نقوول للشباب لايعصبووعلينا
العنود:اسفهيهم بس
ريم:لالالا روحو قولو لهم
وعد:انتي روحي
ريم:طيب
راحت ريم لجهة الشباب....
ريم:احنا بنروح نتمشى تبون شي؟؟
خالد جلس يناظرها ويسترجع ذاكرته ويكلم نفسه:هذي اللي شفتها في بيت جدي الا ماغيرها نفس الشكل والهيئه
نواف:رووحوو بس انتبهوو لنفسكم
ريم:طيب سي يوو

ورااحت للبنات تخبرهم...
رغد:انتظرووني باخذ ليي ايسكريم واجيكم
العنود:افف احنا سابقينك الحقينا

عند الشباب....
فيصل:تصدقوون بروح اشوف سيارة الايسكريم بشووف شعندها
نواف:خذ لنا معك
فيصل:لييش اشتغل صبي عندك وانا مدري

ورااح فيصل يشتري...
فجأه صدم في رغد
رغد:ووجع ماتشوو<<سكتت رغد من الصدمه
انصدم فيصل:رغد؟؟
رغد بصوت متقطع:ايـ ــيه
فيصل:اسف مو قصدي بس ماانتبهت
اخذت رغد غالايسكريم وهي ماشيه قالت له:انتبه اخاف مرره ثانيه تصدم في درام الزبااله
فيصل بقهرر:لاتحااتيين

............

انتهى الباارت الساادس توقعاااتكم....

وش سالفة شهد والرجال؟؟؟

منوو الرجاال اللي دخل على الشباب وهل هو نفسه وشنو يبي؟؟

وش بيصير في الكورنيش للبنات ولا بتمر سليمه؟؟

وش اخر التطورات ؟؟
[/color
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
قمر14

avatar

المساهمات : 576
تاريخ التسجيل : 10/10/2010
العمر : 24
الموقع : مكــــــه يالبيهـ

مُساهمةموضوع: رد: روووايه ريم الغلاا   الأحد نوفمبر 21, 2010 2:33 pm


((الباارت السابع))


عند البنات في الكورنيش داقينها سوالف وضحك ومسخره عالرايح والجاي واللي تاكل فشار واللي تفسفس حب واللي تاكل ايسكريم...الخ
الجوري:تصدقون مانفسي ارجع للبيت ابدد
ريم:ليش وين بتنامين
الجوري:مب لازم انوم
العنود بسخريه:وانتي الصادقه بتجلس تتأمل غروب وشروق الشمس وتحرك الامواج وتصافعها مع بعضها والوان الطيف والمطر و..
ريم:بس بس صارت حصة عربي مو كورنيش
شهد:ايي والله العنود من تفتح فمها شيسده
نوف:مايسده غيير نواف
العنود بقهرر:نواف ينف بش الارض
ريم:مسيكينه يابنت عمي طحتي ومحد سمى عليش
رغد:ولا بعد تغطي حياها بعصبيتها صحيح ماتعرف تعصب
العنود بعصبيه:طيب انتي وياها اجل اللي تكمل معكم حمااره
شهد:قصدك برجع اشوف حبيب القلب اييه صررفي
ريم:وانا اقوول ليش تسب نفسها عشا ترجع والله طلعتي موب هينه ياعنوود
العنود بقهر وعصبيه:جب انتي وياها وذاك مابقى الا هو احبه شنو شايفه فيه تفوو عليكم وعلى اللي يطلع معكم
ورجعت العنود بدونهم لمكانهم وبين ماهي راجعه إذ يتحرش فيها واحد مع شلته ومحوطينها..
الأول:وين راايح يالحلوو
الثاني:آآه على هالجسم يذببح
الثالث:منوو الغبيي اللي تاركك تمشي بروحك
الاول:الظاهر تبي تمشي معنا بس مستحيه
العنود بعصبيه:تفوو علييكم وعلى اللي جابكم صدق اولاد قليلين ادب
الثاني:لييش هالعصبيه يااحلوو
الثالث:ترى مايلييق علييك ابدد خلييك ريلاكس ياحلووه
العنود ودموعها على خدها من القهرر:انتو ماتستحون على وجهكم ماتخاافوون ربكم وانه يصير في خواتكم شي
الاول:يااحراام مسويه فيها خايفه بعدد والله وتعرفي تمثلين

من جهه ثانيه كانو الشباب يتمشوون....
وليد:والله الجوو مرره حلوو
عبدالرحمن:والله توني ادري
نواف:بلا فلسفه انت ويااه
خالد بشك:مو كأنه ذييك البنت اللي محوطينها الشباب تبعنا
مشاري:بلا هبل وتخيلات علينا
نواف بدأ يشك:جد انا بعد احس
فيصل:خلنا نروح ونتأكد
الكل:يلااا

عند العنود....
العنود:وخرووو عنيي حراام علييكم
الاول:لييه يااحلوو خاايف ترى مابنسوي لك شي
الثاني:بس بنودييك معنا الشقه
نواف بقهرر:قصدك الشررطه يالحبيب
العنود:نواف اهئ اهئ <<وبدت تصييح
طبعا بدت المعركه بين الشباب والطق وو...الخ
العنود لايوصف شعوورها من خوف وقلق وبكااء وفرحه لانه لقت من يحميها وينقذها
فيصل خااف على العنود راح لها...
فيصل:العنوود انتي بخيير
العنود كان رهاا بكاائهاا
فيصل:العنود صاار فييك شي سوو فييك شي
العنود اكتفت انها تهز راسها بلا
فيصل:طيب تعالي معي
وراحت العنود مع فيصل على جنب وراح شرى لها ماي وخلاها تهدأ وبعد استقرار حالتها....
فيصل:العنود ممكن تعلميني شنوو السالفه وصدقيني ماراح اقول لأحد
العنود:تكفى فيصل لاتضغط عليي
فيصل:افاا تخبي على اخووك شي يلا علميني ووعد مني مااخبر احد
العنود:علمت فيصل كل الساالفه
فيصل:أأأخ بس لو يطيحون في ايدي ماارحمهم
العنود:خلاص اتركهم وانا ماراح اكلمهم السخييفيين
فيصل:ماعلييك منهم يلا امشي معي نروح للبحرر

في جهه ثانيه عند الشباب...
نواف:تفووو علييكم وعلى اللي جابكم
خالد:لييش مفكررين بترووحون وربي ماترجعون الا بعد مانروح الشرطه
عبدالرحمن حب يخفف من الجوو:خلاص اخذوو حقهم وزياده خلاص خلونا نمشي
خالد:وربي مااتركهم الا لما يتربوون
وليد:خلااص عااد اهدؤؤ شوي
وهدأ الجوو عند الشباب وتركوو الشباب اللي تحرشوو في العنوود
نواف بعصبيه:ويين البقرر الثاانيين بعدد
وليد:مو قلنا خلاص عااد
خالد:احدد يتصل فييهم
جاا لهم فيصل:شفييكم لييش تتهاوشوون؟؟
نواف:وين كنت حظرتك؟؟
فيصل بدأيعصب:لاتكلمني كذا وكأني بزرر عندك
خالد بهدوء:فيصل وين كنت؟؟
فيصل بنفس الهدوء:مع العنود كنت اهديهاا
نواف بستهزاء:لييش ان شاء الله عسى ماطاحت علييك مو هيه ساس البلا
وليد:بس عااد احتررم نفسك ترى البنت كانت في قمة خوفها لو ماجينا كان راحت من يدينا
نواف بنفس الاسلوب:مشاء الله لالا معذووره
فيصل:انت اساسا ماعندك احساس عشان ناخذ رايك
خالد:يلا خلوونا نمشي بس احد يتصل على هالسحالي

اتصل عليهم فيصل وهو كارهنهم من قلب....
ريم:الووو
فيصل:الووو
ريم:من معي؟؟
فيصل:خلصيني وبلا كثرة حكي وتعالوو بنرجع البيت
ريم:ليييش؟؟
فيصل:ولكم عيين تسألوو لييش
وسكر السمااعه في وجهها

عند البناات.....
ريم:ماادري شصااير معصب حده
رغد:بس لييش بيرجعوو
ريم:ماادري اقولك بس الله يسترر
شهد:خلنا يلا نرجع

والكل رجع وتحركوو الشباب ورجعوو الى البيت والبنات ماشافو العنود ولا احد عطاهم فرصه يسألوو عنها
اما العنود رجعت مع فيصل في سيارته

اليووم الثااني...
العنود مازالت ماتكلم البنات
فيصل كاره البناات بشكل ومعصب من اولاد عمه لانهم مايدروو شسالفه ويلوومون العنود
البنات دروو عن الساالفه ومتحسفيين على اللي سووه ويدوروو طريقه يستسمحوو منها للعنود
الشباب الوضع عندهم عاادي ماعدا نواف
نواف كان معصب وعنده احساس غييره ولايدري شنوو معناة هالشعور
الشيااب كانوو مايدروو عن السالفه وهمهم شغلهم والاسهم و...الخ
الحريم نفس الشياب وكان كل همهم بيوتهم ورضاا ازواجهم وراحت اولادهم

وبس هذا كان حال ابطالنا في هالاسبوع

بعد اسبوع من الاحداث....
كانت اجازه عندهم والجد جمعهم عنده في بيته....
في المجلس عند الرجال والحريم.....
الجد:شراايكم نسوي لنا طلعه هالاسبووع ننفه عن نفسنا بدل هالكررف في الشركه
ابو خالد:والله عادي اريح لنا بعدد
ام نواف:ايي والله خلوونا نغييرر جوو قبل لايخلص هالاسبوع
ام مشاري:ايي والله كلها اسبوع خلنا نغيير جوو
الجد:خلاص شراايكم وين نروح؟؟
الجده:مافيه غيير المزررعه نرووح نتونس فيها
الجد:يلا تكلمت سويير
الجده:لييش انا بزرر عندك تناديني سوير
الكل يضحك على الجد والجده على محارشهم في بعض
ابو مشاري:ماعلينا وين تبوون اللحين
الجد:خلاص المزررعه بس نسكت ذي العله
الجده بزعل:طيب يعطييك العافيه وقامت عنهم
الجد:الحمدلله والشكرر الظاهرر كبرت وخرفت ولا كأنه عندها احفااد
ابو نايف:الله يهدييك يباا ماتسكت عن امي المسكيينه

عند الشبااب في بيت الشعرر.....
نواف:اووف ملل نفسي اغيير جوو
وليد:شراايكم نسحب على اهلينا ونساافر
عبدالرحمن بسخريه:وين بتروح ان شاء الله المرييخ لو زحل
وليد بنفس الاسلووب:لا الزهره وانت الصاادق
خالد:صج بزاارين ماتفكوونا من هالمززح الباايخ
مشااري:الا وين نرووح
فيصل:شراايكم نرووح ابها والله جوو حلوو
خالد:ياسبحان الله اول مرره تقول شي سنع
فيصل وهو يشخص وبتكبر:عشان تعرفون انه انا موب هين
نواف:تكفىى بس
مشاري:لاجد والله فكرره خلنا نرووح
وليد:بس فيه مشكله
الكل:شنهيي؟؟

عند البنات.....
مازالت العنود على اصرارها وزعلها والبنات يحااولوون في رضااها وبالاخير رضت طبعا لانهم مايقدروو يستغنوو عن بعض مهما كاان
العنود:تصدقوون يابنات اني ملاانه
ريم:وشنسوي لش؟؟
العنود:مدري ودي في اكشن
وعد:تكفيين مالنا خلق لمشاكل وبهامة الصبيان
عهد:صح اللحين يبدوون نذااله
العنود:ودي اقولكم في شي
البنات بحمااس:قووولي
العنود:تصدقوون بديت احس انه نواف قريب مني
ريم بتصفيير:موو قلناا لش بس مارضيتي
العنود:بس هو حركااته تقهرر
ريم:مااعلييش منه هذا بداايه للحب
العنود:ايي كثريي منها
شهد:آآه الحب عذااب
ريم بخوف:شهد شفييك؟؟
شهد بتصرييف:ولا شي بس كذا اقوول
العنود:وهي الصادقه قهرر انك تحب والشخص اللي تحبه يكرهك
رغد حبت تغير جوو:لا مااعلييش صدقيني في النهاايه لك بس قولي اميين
العنود بضيقة صدرر:آآآآآآآآآآآآآآآآآآميين

عند الشيااب.....
الجد:ودي افاتحكم بموضوع
الكل:شنوو سم يباا
الجد:امس جاا ليي فارس وكلمني ووده يتسامح منكم ونرجع اهل
ابو خالد بسخريه:واختي ودهاا بعدد
الجد:لا والله بس انت تعرف فاارس كان دايم غيير عنهم كلهم
ابو نايف:وانت الصااج
الجد:المهم شراايكم اكلمه يجي لنا في المزرعه
الكل:ايي لييش لا

بعد يومين الكل اتفق انه يروح المزرعه وطبعا تعرفون حركات البنات ورااحو اشتروو لهم من السوبر ماركت وقررو انهم ينومون في المزرعه بعدد
والكل وافق وقعدوو يجهزون وقررو يروحون المزرعه يوم السبت اول يوم اجازه لهم
يوم السبت الكل طلع من بيته واجتمعو في بيت الجد كلهم لكن هالمره من دون عائلة ام رائد وبعد ساعه الكل تجمع عند بيت الجد وانطلقوو الى المزرعه
وبعد سااعتين من المشوار وصلوو الى المزرعه والكل نزل اغراضه وبدأ يجهزها ويحطها في مكانها المناسب

عند البنات....
ريم:اووف تعبنااا
فجر:الطريق يكسر الظهرر لاكن ماعلييه اللحين نعوضها وننوم
العنود:آآآآآه يمااا رااسي يوجعني
شهد:يلا بلا هدره رااسي فاقع عليي
البنات:يلا خلنا ننام

الكل ناام من الشباب والبنات ....
عند الجد...
الجد كلم فارس وعلمه بالسالفه وفاارس فرح انه جده عطااه فرصه انه يسوي علاقه جديده مع عمامه

العصرر الكل جلس وقعدوو الحريم سوالف وهدره وشاي وقهوه اما الرجال فكاان وضعهم غيير متوتر بعض من الشيء وينتظروو فاارس ولد اختهم اللي ماشافوه الا من قبل سنتين اواكثرر
بعد قليل من الانتظار دخل فارس بكل حيااء وتوتر وخجل من اعمامه ولاكن وضع الشياب مختلف كانو فرحاانينن بلقاائه <<ماعلييه فصحه مكسرره خخخ
ابو خالد:ياااهلا والله بفاارس
فاارس:هلا فييك عميي
الجد:نورتناا استريح وانا ابووك
فاارس:الله يخلييك ويبقييك

والكل رحب بفاارس وبعد دقائق نادى الجد على العيال لكن فارس كان خايف انه يفشلووه او اي شي وخايف من ردة فعلهم
دخلوو الشباب وكان هالمرره غيير وضعهم عن المرره اللي قبلها(عرفتو الرجال اللي جاا لهم كان فاارس هو نفسه اللي كان مع شهد بس سالفتهم بتعرفوها بعد شوي)
الكل رحب في فارس وهالشي خله فاارس في قمة فرحه وراحته
خاالد:هلا وغلا بولد العمه
ولييد:حيوو ابوو الشباب
عبدالرحمن:اخباارك شعلوومك
فاارس:الله يسلمكم والله الحمدلله بخيير
الجد:شويش شوي علييه
نواف:حشىى ابوي بتدلعه اللحين وبتكبر راسه علينا
فاارس:لاشدعوه انتو الاساس
نواف:لا والله نورتنا يالغلا

الكل سلم على فارس وحياا به وجلسوو سوالف وهدرره <<صاارو اعظم من الحريم خخ
فارس يكلم خالد بصوت خافت:خالد ودي اكلم شهد
خالد:قول لنايف
فارس:تكفى توسط ليي عنده
خالد:طيب
خالد كلم نايف:ناايفووه
نايف:نعم
خالد:خليي فارس وشهد يتفاهمون يمكن ترجع المياه لمجاريها
نايف:بس واللي يرحم والديك واذا هيه رضت انا موب راضي
خالد:تكفى نايف لاتعقد الامورر
نايف:واختي
خالد:موب صااير لها شي تكفىى طلبتك وكلي نخوه ولاتردني
نايف:طيب بس فكنا
خالد:كلم شهد قول لها انك تبيها
خالد يكلم فارس:فارسووه
فارس:هلا بشرر
خالد:يلا قوم ظف وجهك وروح لها
فارس وبانت عليه ملامح الفرح:بربك؟؟
خالد:ايي بس لاينط لك عرق
قام فارس:انا استأذن
الجد:ويين وانا ابووك
فارس ارتبك:هاه لابس بروح اجيب شي من السيااره واجي
الشباب:احنا بعد نستأذن
الجد:علامكم
خالد:لابس ودنا نتعرف على فرووس اكثرر
ابو مشاري:ايي خلهم ياخذون راحتم

الشباب طلعوو من المجلس ورااحو لبيت الشعر اما نايف اتصل لشهد وقال لها يبيها في شي
وفارس راح للمكان المتفق علييه
فارس:شخبارك شهد؟؟
شهد:نعم؟؟
فارس:شهد تكفيين سمعيني
شهد:لاتتكلم اللي فيني كافيني
فارس:وربي ماكان قصدي بس تعرفين عمتش
شهد:فارس خلاص انسى اللي بيننا

قبل سنتين او اكثر كانت سالفة شهد وفارس ....
كانو شهد وفارس يحبوون بعض حب مو طبيعي للدرجه الكل يحسدهم علييه لانهم كاانو متفااهميين بدررجه
بس يووم من الاياام اختلفت العمه مع اخوانها معنها ماكانت بالاساس متفااهمه ويااهم بس كان حالهم يمشي المهم
بعد مااختلفت منعت اولادها من زيارة اعموميتهم وجدهم والتجمع معااهم وهالشي فرق بين شهد وفارس
لدرجه انه درت العمه عن حب فارس الى شهد واجبرته انه يتركها وهددته....
العمه:اسمع يافرووس اترك هالخايسه شهدووه
فارس:يمآآ مااقدرر وموب تااركهاا ساامعه
العمه بعصبيه:اترركهاا فاهم واصلا مالنا شررف انك تتقرب منها او تحبها
فارس:يمآآ انا احبها تفهميين
العمه:حبك بررص وبلاا هالخراابيط ويلا خلصني
فارس بعنااد:قلت لك اللي عندي
العمه:اسمع ان ماتركتها ترى لااني امك ولا اعرفك ومتبريه منك ليوم الدين
فارس بما انه طيب وحنون ويحب الكل وقع بين نارين نار امه ونار حبيبته ولكن قرر انه يدوس على قلبه ويترك شهد معنه ماكان قادر المهم
والعصر راح فاارس لشهد وقال لها ابيك بموضووع
فارس علم شهد بالساالفه وهو يصييح ومو قاادرر يستوعب اللي يصيير له جاوبته شهد بكل حرقة قلب وغصه..
شهد:وانت شبسوي
فاري:والله اسف ومو قاادر
شهد:خلاص فهمت رضاا امك اهم ياافارس ورووح لها
فارس:والله اسف ومو قصدي وصدقيني القلب معااك تكفيين لاتنسيني
شهد:خلاص كفاايه يافارس رووح واتركني
فاارس:الله معااش
شهد بكل قوه ولكن من داخلها حرقه ودم ينزف:رووح الله ييسر طريقك

وهذي كل السالفه وتركوو بعض من ذااك الوقت وفارس مانسااها لكن شهد حاولت تتناساه لانه ماتقدر تنسااه لانها من بعد ماتركها فارس طاحت عليهم ومرضت شهر
وبعدها الكل حاول يبعد عنها طاري فارس...

فارس:تكفيين يااشهد ساامحيني
شهد:وامك؟؟
فارس:انا خلاص اصلا باعييش مع جدي وموب رايح لامي اصلا امي حقووده وماتحب الخيير
شهد بغصه:انساني يافارس مثل مانسييتك
فارس:تكفيين لاتقوولين هالكلام اصلا مو من قلبك ادري انس مانسيتيني
شهد تكابر:رووح خلاص القلب عاافك
طاحت هالكلمه على فارس مثل الصاعقه اللي تهزه هزز وتقتله وتقتل افرااحه واحلامه اللي كان يحلم فيها
ومشى فارس وكله حزن واتجه بعدها لبيت جده اما شهد جلست تبكي على حضها وليش قالت له كذاا

عند الشباب....
خالد:وين فاارس راح ومارجع
نايف:اتصل فييه
خالد:اتصلت فييه اكثرر من مرره وماارد
نايف:لايكوون صاار فييه شي
مشااري:واللحين شبسوون؟؟
خالد:مدري
نايف:احس راسي موقف
وليد:مدري ليش احس بيصيير شي


..........................

نهاية البارت الساابع توقعااتكم....

وش بيصيرر على العنود ونواف من تطورات؟؟

وش بيصير على شهد وفارس؟؟

هل صحيح احساس وليد وبيصيير شي؟؟

وش نهاية شهد وفارس؟؟

وش اخرر التطوورات؟؟ اكمل بعدييييييييين
الرجوع الى أعلى الصفحة اذهب الى الأسفل
http://ro7k.own0.com/profile.forum?mode=editprofile
 
روووايه ريم الغلاا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
fdwat ro7k :: الفئة الأولى :: إعلـآنات فدوت روحكَ.. :: رواياتـﮯ..-
انتقل الى: